| -->
قصص اطفال قصص اطفال
جاري التحميل ...

قصص رومانسية - حبي اكتمل الجزء الثاني

قصص رومانسية - حبي اكتمل الجزء الثاني


قصص رومانسية - حبي اكتمل الجزء الثاني - قصص يومية


فاطمه مشتاقه جدا انها توصل بسرعه عشان تعرف زين عايز يقولها ايه, وقالت في سرها اخيرا خلاص هيعترفلي بحبه واخيرا هرتاح واقوله ان انا كمان بحبه, زين قال لفاطمه بالليل بعد ما الكل ينام هنتقابل واقولك ماشي, فاطمه : اتكسفت وقالتله ماشي, وصلوا السخنه وراحوا الفندق البنات خذوا غرفه والشباب غرفه ويدوب غيرو هدومهم.


حب


ونزلوا على البحر هاتك يا لعب وهزار لحد ما اتهدوا من اللعب وطلعوا يناموا شويه عشان ينزلوا يخرجوا بالليل, لكن فاطمه مجلهاش نوم فقررت تنزل تقعد قدام البسين, واحمد كمان مكنش عاوز ينام وكان واقف في البلكونه وشايف فاطمه احمد, في باله اها يا فاطمه لو تعرفي انا بحبك قد باله خطفتي قلبي وشقلبتي كياني من يوم ما شفتك.

نزل احمد يقف مع فاطمه, احمد : احم احم ممكن اقعد معاكي, فاطمه : اتفضل يا احمد مانمتش ليه, احمد : مافيش يا ستي موضوع كده واخذ تفكيري ومخليني مابعرفش انام, فاطمه : ايه بتحب ولا ايه, احمد : سرح وفي باله ( اه بحبك يا فاطمه ), فاطمه : احمد يا احمد ايه يا عم اللي واخذ بالك.


احمد : ممكن اسالك سؤال يا فاطمه, فاطمه : بقلق أتفضل يا احمد طبعا, احمد : انت في حياتك حد, فاطمه : اتوترت ليه, احمد : ماتخافيش انا عايزك تطمني وعايز اكون اخوكي اللي امك وابوك ماخلفهوش وماتخافيش سرك في بير, فاطمه عنيها على البسين وقالت ايوه, احمد : وهو عارف, فاطمه : لا بس يعرف النهارده.



احمد : زين صح, فاطمه : ايوه, احمد : وهو بيحبك, فاطمه : لمحلى بس هنتكلم النهارده بالليل, احمد : ربنا يتمملك على خير, الحوار خلص بين فاطمه واحمد, وبالليل بعد ما انبسطو وخرجوا وقاعدو قعده طويله قدام البلاج, أمير : انا فصلت يا جماعه بجد ماعدتش قادر, احمد وانا كمان بجد اليوم كان مرهق جدا.


رسائل حب


أمير : عن اذنكم يا جماعه انا طالع انام عايزه حاجه يا حبيبتي, ريم : تصبح على خير يا حبيبي اشوفك الصبح, أحمد : خذني معك يا ميرو انا كمان ماعدتش قادر, ساره : انا كمان هطلع انام, ريم : استني يا بنتي هاقوم معاكي انا كمان, ريم وساره تصبحوا على خير, زين وفاطمه وانتوا من اهله, وفضل اخيرا زين وفاطمه قاعدين مع بعض زين بعد ما الكل ماشي راح قاعد جنب فاطمه.

زين : فاطمه بجد انا مش قادر أخبي مشاعري أكتر من كده انا خلاص قلبي مولع, فاطمه : في ايه بس يا زين اهدا, زين : بجد انا خلاص شكلي وقعت بحب بحب يا فاطمه, فاطمه : قولي بس هي مين ,زين : ساره ساره يا فاطمه, فاطمه : في زهول وفي سرها ازاي بيحب ساره احاسيس كتيره جوا بعضها, وبتتكلم طب وانا وحبي ليه وال 17سنه اللي بحبهم فيه باخلاص وكتمان ازاي.

ازاي بعد كل ده يجاي ويقولي انه بيحب ساره الدموع ماليه عين فاطمه وكان سكينه غرزت في قلبها، قلبها اللي اتوجع ومن مين من الانسان اللي عاشت طول عمره تحبه, زين: فاطمه فاطمه رحتي فين, فاطمه : فجأة الضحكه ملت وشها وقدرت تخبئ دمعها و كسرت قلبها, فاطمه مافيش يزين فرحنالك قوي, زين : انا عايزك تكلميها يا اختي يا حبيبتي وتشوفيها بتحبني زي ما انا بحبها و لا لا.


رسالة حب


فاطمه : حاضر بس قولي بتحبها من امتى, زين : مش عارف بس يجاي من سنه كده, فاطمه : في سرها سنه سنه يا زين وانا كل يوم حبي ليك بيزيد عن اليوم اللي قبليه وكل يوم باقول النهارده يحس بيا وبحبي, ليه طب و معاملتك لي وغيرتك عليا من اي حد بيكلمني بجد انت اكثر واحد وجعتلي قلبي, زين : فاطمه فينك يا بنتي, فاطمه : حاضر حاضر يا زين هقوم انا لاحسن عايزه انام.

 زين : ماشي بس كلميها هاستنى ردك الصبح, فاطمه : سابت زين ومشت واول ما اديرت الدموع غرقت عينيها فاطمه فضلت ماشيه لحد سلالم الفندق, وقابلت احمد هناك, احمد : مالك يا فاطمه بتعيطي ليه, فاطمه مشيت من جمبه وماردتش عليه وكانها مش سمعاه, احمد : فاطمه فاطمه مالك يا فاطمه فجأه وقعت فاطمه بين ايدين احمد واغمى عليها وقطعت النفس, تابع باقي القصة عبر الرابط التالي.

قصص رومانسية - حبي اكتمل الجزء الثالث
زائرنا الكريم : رجاءآ لاتنسى الاشتراك في مواقع التواصل تشجيعآ لنا لتقديم الافضل وحتى يصلك كل جديد
  
شكرا لك .. الى اللقاء 
*
*

ليست هناك تعليقات:

تعليقكم يهمنا

قصص اطفال هو موقع عربي لتقديم قصص عربية متنوعة من قصص اطفال و قصص الانبياء وقصص رعب وافضل انواع القصص الطويلة والقصيرة والمميزة للصغار والكبار.

جميع الحقوق محفوظة

قصص اطفال

2020