| -->
قصص اطفال قصص اطفال
جاري التحميل ...

قصص رومانسية - حبي اكتمل الجزء الخامس والاخير

قصص رومانسية - حبي اكتمل الجزء الخامس والاخير


قصص رومانسية - حبي اكتمل الجزء الخامس والاخير - قصص يومية


احمد من بعيد شايف فاطمه ماصدقتش نفسه كان هيموت و يطمئن عليها جري راح واقف معاهم ومن غير ما يسلم على احد وجه الكلام لـ فاطمه, احمد : فاطمه عامله ايه دلوقتي حمد لله على سلامتك انا كنت هاموت من القلق عليكي, زين اضايق من طريقه كلام احمد لفاطمه وقاله احم احم ايه يا عم احمد ما احنا واقفين برضو.


قصص رومانسيه


احمد : سوري يا زين بس كنت عايز اطمن على فاطمه, احمد : فاطمه ممكن كلمه على انفراد, فاطمه : طبعا يا احمد انا كمان عايزه اتكلم معاك, زين : اضايق اكتر وبقى مش طايق نفسه من رد فعل فاطمه علي احمد, (حوار بين احمد وفاطمه) احمد : ايه اللي حصلك وقتها, فاطمه : مافيش كل الموضوع انه كان عايزني اكلمله ساره واعرفها ان هوا بيحبها واهم قدامك دلوقتي مخطوبين.

احمد : فاطمه هو انتي ممكن تحبي تاني, فاطمه: احب تاني للاسف يا احمد اللي بيحب مره وقلبه بيتوجع صعب جدا يرجع يحب تاني كسره القلب وحشه قوي يا احمد, احمد : في سره (والله بحبك و نفسي انت تحسي بيا بقى) احمد يعني مافيش امل انك تحبي تاني, فاطمه : انا اكيد هيجي عليا يوم وهتجوز واخلف واكون اسره وده طبيعي والحب يبقى يجي مع التعود.

احمد : بجد يا فاطمه و حس ان ممكن في يوم فاطمه تحبه, فاطمه : احمد عن اذنك انا لازم اروح دلوقتي, احمد : تحبي اوصلك, فاطمه: لا انا هروح مع ريم, احمد : طيب خلي بالك على نفسك. وبعد ما فاطمه مشيت خطوتين ورجعت تاني لاحمد وقالتله متشكره جدا يا احمد انك جنبي, بالنسبه لـ زين كان كل شويه يبص في الساعه وينفخ زي المجنون, امير : في ايه يا عم زين انت مالك كده.

زين : يعني مش شايف الاتنين اللي هناك دول اللي بقالهم ساعه واقفين دول, ساره : والله وانت زعلان ليه بقى, زين : والله ايه بس مش اختي, ساره : اممم اوك, زين بزعيق وسط الكليه يا فاطمه احنا هنمشي امتى بقى كلنا واقفين مستنينك, فاطمه : بالراحه طيب انا جيت اهوت, زين : كان عايز ايه منك كل ده, فاطمه : مكنش عايز حاجه يلا نروح, زين : مضايق اوي هو وفاطمه عمرهم مخبوا حاجه علي بعض.

(في بيت فاطمه ) فاطمه وباباها ومامتها قاعدين, فاطمه: انا عايزه اتكلم معاكوا في موضوع مهم, الاب والام : اتكلمي يا بنتي محتاجه حاجه, فاطمه : ايوه بابا هيا شقتنا اللي في الزمالك كويسه, الاب : ايوه يا حبيبتي بتسالي ليه, فاطمه : بصراحه يا بابا انا دكتور الجامعه كلمني النهارده وهو مقدملي عرض على بعثه ثلاث سنين في دبي و بصراحه انا شايفه انها فرصه ماتتعوضش.

الام : انت زهقتي مننا يا فاطمه وعاويزه تسبينا, فاطمه : اسيبكم ايه بس يا ماما دول كلهم على بعض ثلاث سنين وهارجع مش هفضل عايشه هناك يعني, الاب : والله يا بنتي انا عمري ما غصبت عليكي في حاجه وانتي معتش صغيره واكيد عارفه مصلحتك فين, الاب : بس قوليلي كنت بتسالي على شقه الزمالك ليه.

فاطمه: حاسه اني تعبانه هنا وعايزه اروح اعقد هناك لحد معاد السفر، وهو بالمره تبقى جنب شغلك, الاب : والله يا بنتي عندك حق كل يوم بتمرمط في المواصلات, الام : وتسيبي ولاد عمك ده انت عمرك ما فارقتيهم, فاطمه : ماحدش قاعد للتاني يا ماما كل واحد بكره يتجوز ويستقر مع اسرته, الام : اللي انتي شايفاه يا بنتي.


حب


وبعد مرور الايام واخيرا جاء يوم العزال ريم وفاطمه بيحضنوا بعض بيعيطوا جامد جدا, ريم : مش متعوده ان كل يوم مش هاشوفك يا بطه الله يخرب بيتك يا زين انت السبب, فاطمه : ماتدعيش عليه هو مالوش ذنب, زين : كان طالع من تحت وبيقولها خلاص يا بطه مش هنلعب في الطريق تاني ومش هنشوف بعض كل يوم و بيقرب على فاطمه علشان يحضنها.

ولكن فاطمه بعدت عنه بذوق فاطمه كانت واخذه حضنه وداع ولكن زين كان واخذه حضن اخوي مش اكثر, عزلت فاطمه ومشيت من البيت وبعد اسبوع زين كل ما يفتح باب الشقه يلاقي باب شقت فاطمه مقفول يتخنق ويتضايق, ويوم بعد يوم زين حس أن فاطمه وحشاه قوي, زين : بيقول لي ريم فاطمه وحشتني قوي ما تيجي نروح نزورها.

ريم : وحشتك قوي من اسبوع امال لما تسافر ثلاث سنين هتعمل ايه, زين : تسافر ! تسافر اي وثلاث سنين ازاي يعني, ريم : فاطمه مسافره راحه بعثه تبع الكليه وماكانتش عايزه حد يعرف غير لما الكل يتفاجئ بغيابها, زين : اضايق واتعفرت ازاي يعني هتسافر هتسافر وتسبني كده عادي من غير ما تفكر فيا, ريم : وتفكر فيك ليه كنت حبيبها مثلا ولا خطيبها انت مجرد ابن عمها.

زين :اوعي اوعي انا ماشي وساب ريم ومشي, ريم : وعليا النعمه بتحب فاطمه وبتموت فيها كمان, قامت ريم لبست وقررت انها تروح تزور فاطمه, (في شقه فاطمه الجديده) الباب بيخبط وفاطمه قامت تفتح, فاطمه : باستغراب زين, زين : وحشتيني قوي وكان نفسي اشوفك مش هتقولي لي اتفضل, فاطمه : للاسف لا اصل بابا وماما مش هنا يا زين, زين : مش متعود يا فاطمه على قله وجودك للدرجادي .

فاطمه : ريم تعالى اتأخرتي ليه, ريم! : زين بتعمل ايه هنا, زين : جيت اشوف فاطمه, فاطمه: للاسف يا زين انا لازم اقفل الباب عشان الجيران وكده, زين : فاهم يا فاطمه طيب همشي انا بقى, قفلت فاطمه الباب وقعدت تعيط, ريم : مالك بس يا بنتي, فاطمه : قبل ما يخبط بثواني كنت بتمنى اني اقوم افتح الباب الاقيه قدامي زي زمان وفجأه يطلع اللي بيخبط هو.

ده القدر ولا ده ايه بالضبط انا خايفه خايفه ما اقدرش انساه وياريتني اعرف اقطع كلامي معه انما للاسف هو ابن عمي, ريم : اهدى بس اهدى والله بيحبك واجنن وجالك زي المجنون لما عرف بالبعثه, فاطمه : وساره دي ايه مش خطيبته دلوقتي وبيحبها برضو, ريم : طب الايام بيننا يا فاطمه و هتعرفي ان هو بيحبك.




رسائل حب


مرت الايام والليالي وفاضل علي سفر فاطمه يومين, (في بيت زين) ريم : ما ترد يا ابني على الموبايل ده يا تقفله وتريحنا صدعنا من كتر الرن, زين : باقولك ايه هاتي تليفونك كده هاعمل منه مكالمه, ريم : ما انت تليفونك موجود اهو ما تعمل منه, زين : مش شايفه عمال يرن هاتي وخلصي, ريم : خذ يا اخويا بس هحاسبك على المكالمه دي على فكره.

زين خد الموبايل وكلم امير, زين : الو ايوه يا امير فينك, امير : انا في البيت في حاجه بتتكلم ليه من موبايل ريم, زين : هاقولك لما اشوفك ما تيجي نخرج حبه عشان زهقان من قعده البيت, امير : قشطه ماشي اشوفك في الكافيه بتاعنا, زين : ماشي رباعيه وابقى هناك, ( في الكافيه) امير : ايه يا زين مالك عمري ما شفتك مضايق كده.

زين : مش عارف ليه حاسس اني مخنوق وبقالي اسبوع مش برد على ساره وكمان فاطمه مسافره ومش عارف اعمل ايه من غيرها, امير : طيب وانت مالك زعلان ليه على سفر فاطمه, زين :يا عم مش اختي ومتربيين سوا وفجأه كده تختفي من حياتنا, امير: تعرف يا زين انا ماشفتش اغبى منك في حياتي, زين : ليه يعني.

امير : علشان انت مابتحبش ساره انت بتحب فاطمه, زين: طيب بحب فاطمه وعرفناها عشان من الصبح, وانا باقولك اختي و متربيين سوا بس ساره بقى مبحبهاش ليه, امير : مش باقولك غبي انت مش عارف تميز انك بتحبي فاطمه عشان كانت دائما قدامك, ومتعود تشوفها ولما تعوز تكلمها بتلاقيها وده خلاك تحس انها اختك.

لكن في الحقيقه انت بتحبها مش بتحب ساره في فرق كبير جدا بين الحب والاعجاب, بص يا زين انا هحكيلك على حاجه ماينفعش احكيهالك بس بجد انا لو ماتكلمتش حبك هيضيع انت لازم تعرف الحقيقه, زين : باستغراب واستخفاف بكلام امير حقيقه حقيقه يا عم الفيلسوف, امير : تعرف ايه اللي وصل فاطمه للصدمه اللي كانت فيها ومعاملتها الوحشه ليك هي وريم.

زين انتبه لكلام امير والله ايه ده انت عارف ايه اللي حصلها طب احكيلي, امير: ايوه عارف فاطمه بتحبك بتحبك مش من يوم ولا اتنين ولا سنه فاطمه بتحبك بقالها 17 سنه, من وانتم صغيرين فاطمه بقالها 17 سنه وهي مستنيه اليوم اللي انت تحس بيها فيه وتعترفلها بحبك, و انت غبي ما اخترتش غير فاطمه عشان تعترف لها بحب واحده غيرها وكل شويه تقول اختي اختي.

زين : وانت عرفت كلام ده كله ازاي, امير : ريم اللي حكتلي حكتلي و احنا بنلم حاجاتنا من الاوتيل, زين : فجأه حاسس انه بيحب فاطمه وانه مش هيعرف يعيش من غيرها, زين : لي ،لي يا امير ماقولتليش من وقتها وفوقتني من الغفله اللي انا فيها, امير : واديك عرفت هتصرف ازاي, زين : مش عارف مش عارف.

وفجأه موبايل زين بيرن وطلعت ساره وقرر زين يرد عليها, زين : الو ايوه يا ساره, ساره : انت فين يا زين برن عليك بقالي اسبوع مش بترد عليه, زين : معلش كنت مشغول شويه, ساره : طيب انت فين انا عايزه اشوفك في موضوع مهم جدا عايزه اتكلم معك فيه, زين : انا في الكافيه مع امير خير يا ساره.

بصي لو الموضوع بسبب العفش وكده فـ ياريت ناجلة شوية عشان عندي شويه مشاكل, ساره : لا لا مش بسبب الكلام ده هتعرف لما اشوفك, زين : تحبي نتقابل امتى, ساره : دلوقتي لو تحب, زين : تمام انا في الكافيه اللي بنقعد فيه, ساره : خلاص انا قريبه منك عشر دقائق وابقى قدامك وانتهت المكالمه, امير : انا همشي قبل ماتيجي ربنا معك حاول ما تضيعش فاطمه من ايدك سلام.

ساره راحت لزين الكافيه وقعدوا يتكلموا مع بعض, زين: في ايه يا ساره ايه هو الموضوع المهم اللي انتي عايزاني فيه, ساره :بص زين انا هاتكلم معاك بصراحه ومش هالف وادور عليك بس ياريت تفهم كلامي وتحسبه وتفهموا احنا ناس كبيره وواعيه, زين : ادخلي في الموضوع على طول يا ساره, ساره : انت تعرف حسام زميلنا في الكليه.

زين: ايوه طبعا ماله, ساره : بصراحه انا وحسام بنحب بعض من سنه اولى جامعه وكان اتقدم ليا, وبابا كان شبه وافق عليه ولكن لما باباك كلمه على خطوبتي منك بابا رفض حسام, وانخطبت انا وانت وانا مازلت على اتصال به بس انا خلاص يا زين ما عدتش قادره, اكمل مش قادره اكون بحب واحد و مخطوبه لواحد تاني غيره وكده انا بظلمك معايا وفي نفس الوقت بظلم نفسي.

زين سمع الكلام و حس بفرحه رهيبه وحمل كبير اتزح من على قلبه وضحك, ساره : انت بتضحك يا زين, زين : هاتكلم معاكي بصراحه يا ساره انا كمان اكتشفت اني بحب واحده تانيه, ساره : فاطمه صح, زين : ايوه عرفتي ازاي, ساره: كنت دائما باشوف بصتهاليك و بسطاتك ليها وكنت دائما اكدب نفسي واقول اكيد عشان واخذين على بعض و متربيين سوا.

زين : فاطمه طلعت بتحبني من واحنا صغيرين وبقالها 17 سنه بتحبني والصدمه اللي حصلت لها بسببي, ساره : بسببك ازاي, زين: بسببي لاني رحتلها هي وقلتلها اني بحبك وعايز اخطبك, ساره ضحكت وقالت عشان كده كانت وهي تعبانه كل لما تشوفني تكشر, وكانت دائما تبصلي وحش انا وانت, زين: ايوه فعلابس قولي لي احنا هينفشكل الموضوع ازاي, ساره: ماتقلقش الموضوع عندي انا مرتبه كل حاجه.

(في شقه فاطمه) ريم كده ناقصلك حاجه يا فاطمه في الشنطه, فاطمه : لا حطيت كل حاجه بس كان نفسي تبقي معايا, ريم : هتوحشيني قوي يا بطه بتبعدي عني واحده واحده اول مره سبتي الشقه وعزلتي ودلوقتي مسافره وكل ده بسبب زين, فاطمه لسه هترد علي ريم لكن ما لحقتش باب الشقه بيخبط فاطمه راحت تفتح الباب.


رسالة حب


فاطمه ! : زين ايه اللي جابك ومالحقتش تكمل كلامها زين جري عليها وحضنها وقال لها وحشتيني وحشتيني قوي يا بطتي, فاطمه : بتحاول تذوقه مش قادره انت بتعمل ايه يا زين, زين : باعمل المفروض اعمله من زمان اسف اسف اني ما حستش بكي ولا حسيت بنفسي من زمان, انا مش هاسيبك تاني ابدا انت ليا لوحدي وانا عمري ما هبقي لحد غيرك انا سبت ساره عشان بحبك يا فاطمه, ومستحيل اخليكي تسيبيني تاني و تسافري.

فاطمه : ايه الكلام الغريب, زين : الغريب اني كنت اسيبك تسفري واني اتجوز وحده غيرك انا اكتشفت اني طول عمري بحبك, انتي بس وعمري ما حبيت غيرك واحساسي بساره كان غلط في غلط, فاطمه لقت نفسها بدمع وحضنت زين وقالت طول عمري مستنيه اللحظه دي اللي هتيجي فيها وتقولي انك بتحبني, ريم : بتعيط جامد جدا من فرحتها بيهم وقالت مش قلتلك مش قلتلك يا فاطمه انه بيحبك انتي.

زين : مسك ايد فاطمه وراح باس ايديها, زين : من النهارده مافيش عياط تاني مع انك يا ريم حسابك معي كبير عشان خبيتي عليا وما ومفوقتنيش من اللي انا كنت فيه, ريم : ما انت اللي مغفل اعملك اي يعني صحيح مين اللي قالك, امير : جاي من وراء انا يا ستي اللي قلتلوا وراح لريم وقالها اسف اني محفظتيش علي الوعد اللي ادتهولك, بس زين كان لازم يعرف ويفوق لنفسه واديكي شايفه الاتنين بيحبوا بعض ازاي .

زين : سيبك انت اتاخرت يا معلم وفاتك احلى لحظه في الدنيا كلها, زين ركع تحت رجل فاطمه وقالها تتجوزيني, فاطمه بصت لـ ريم والاتنين زغرطوا, قام زين وحضن فاطمه و امير حضن ريم, وبعد شهرين اتجهز احلى فرح لي ثلاث عرسان ريم لامير وزين لفاطمه وساره لحسام, اما بالنسبه لاحمد قرر يسافر البعثه بدلا من فاطمه وتوته توته خلصت الحدوته.
زائرنا الكريم : رجاءآ لاتنسى الاشتراك في مواقع التواصل تشجيعآ لنا لتقديم الافضل وحتى يصلك كل جديد
  
شكرا لك .. الى اللقاء 
*
*

ليست هناك تعليقات:

تعليقكم يهمنا

قصص اطفال هو موقع عربي لتقديم قصص عربية متنوعة من قصص اطفال و قصص الانبياء وقصص رعب وافضل انواع القصص الطويلة والقصيرة والمميزة للصغار والكبار.

جميع الحقوق محفوظة

قصص اطفال

2020