| -->
قصص اطفال قصص اطفال
جاري التحميل ...

قصص واقعية - ان غدر بي الجزء الثالث

قصص واقعية - ان غدر بي الجزء الثالث


قصص واقعية - ان غدر بي الجزء الثالث - قصص يومية


وقامت بسرعه من على اللاب توب وراحت قاعدت مكانها وجاءت ايمان بالعصير, ولكن هبه قالت لها انها لازم تمشي عشان افتكرت ان عندها مشوار ضروري, ونزلت هبه من عند ايمان وروحت على بيتها و من كتر التعب والارهاق نامت, وما صحيتش غير الصبح و قررت انها تروح لـ ابراهيم و تسمع منه اللي حصل لانه الوحيد اللي عارف بالموضوع.


قصص واقعيه


وبالفعل راحت ولكن قبل ما تخبط على باب ابراهيم سمعت صوت عياط, وما كانتش عارفه تكمل و تخبط على الباب ولا تروح تاني ع بيتها, ولكن هبه كملت وخبطت وفتح لها ابراهيم و كان ماسك صوره لوعد ومن غير ما هبه تتكلم ولا كلمه, ابراهيم: قال لها وعد وحشتني قوي انا والله ما لي ذنب في اللي حصل لها و عربيتي اتسرقت قبل الحادثه.

انا كنت بحب وعد قوي مع اني كنت عارف انها مش هتبقى ليا في يوم من الايام, بس ما قدرتش امنع نفسي من حبها ولازم اعرف مين اللي عمل فيها كده, هبه: طبطبت علي ابراهيم وقالت له لازم نبقى اقوى من كده فراق وعد صعب عليا قوي دي صاحبه عمري وبحبها اكتر من اخواتي, ولكن لازم نقول عشان نرجع لها حقها.



تليفون هبه رن وكان خالد اللي بيتصل قال لها تعالى بسرعه على القسم في حاجات جديده حصلت, نزلت هبه بسرعه راحت على القسم وهناك عرفت ان المباحث قدرت تجيب فيديو تاني من الكافيه اللي قدام البيت, واهم حاجه ان الفيديو ده كان ما بين صوره اللي سرق العربيه وبعد ما السارق اتوجه بالفيديو الموضح شكله اعترف بكل حاجه.

وياريته معترف !! السارق اعترف ان كل اللي عمله كان من تخطيط واحده, هبه: لو سمحت لو سمحت يا حضره الضابط قلنا مين الواحده دي, الضابط: احنا قدرنا نوصلها بسهوله, هبه: ممكن نشوفها يمكن نرنا تهدي شويه, ضابط المباحث امر الشاويش انه يجيبها من الحبس وجبها الشاويش, وبتلف هبه علشان تشوفها وكانت المفاجأه اللي ما كانش حد من يتوقعها هبه مش معقول مستحيل يكون انتي ايمان !!!.

هبه: انتي ازاي قدرتي تعملي كده و عملتي كده ازاي اصلا وجالك قلب تعملي كده في صاحبه عمرك, انتي ايه يا شيخه شيطانه, ايمان: ايه ايه عماله تقطمي فيا و تعاتبني وعيطت ايمان وقالت انا والله ما كنت اقصد وعد انا كان قصدي خالد, انا بحب خالد وما استحملتش اشوفه مكمل مع وعد وخلاص كلها دقائق ويكنوا علي الكوشه مبسوطين, هبه: كنتي تقصدي خالد ليه هو كان عمل لكي حاجه حرام عليكي انتي دمرتينا كلنا.

ايمان: وعد كانت واخذه كل حاجه حلوه في الدنيا كان كل مشكلتها ان باباها ومامتها منفصلين, انما انا ابويا وامي ماتوا وسابوني حبيت خالد وما حسيش بيا بسبب حبه لوعد, كنت عايزاه يموت علشان ارتاح انه مش هيبقى مع غيري واحرق قلب وعد بدل ما هي واخده كل حاجه, هبه: يا لهوي ايه ده كل الكره ده في قلبك ليهم.

انتي ايه حطه مكان قلبك اي حجر انتي اللي كنتي المفروض تموتي مش وعد حسبي الله ونعم الوكيل فيكي يا شيخه, وسبتها هبه ومشت وللاسف كانت متخيله انها هترتاح لو عرفت اللي عمل وقتل وعد لكن تعبت اكثر لانها خسرت اكثر اتنين اصحاب ليها في حياتها, وفي نفس اليوم بالليل كان خالد في بيتهم وداخل يشرب في المطبخ.

وسمع صوت خروشه جايه من المطبخ من فوق راح علشان يشوف ايه الصوت ده ولكنه شاف ازازه شكلها غريب, واخذها وراح علشان يسال هويدا اخته عنها ولكن خالد قبل ما يخبط على الباب, سمع كلام بين اخته وصاحبتها اللي كانت قاعده معاها, هويدا: انا ما كنتش عايزه وعد هي اللي تموت انا كنت قصدي خالد.


قصص حدثت بالفعل


صاحبه هويدا: طب وكنت عايزه تموتي اخوكي ليه هو عمل لكي حاجه انا بجد مش مصدقه انك تعملي كده, هويدا: عملت كده لاني سمعت بابا وهو بيقول له انو هيكتب له الميراث كله لوحده بعد ما يتجوز وانا هطلع من المولد بلا حمص, فكان لازم يموت علشان اخذ الميراث كله لوحدي, صاحبه هويدا: طب و لحقتي تعملي كل ده امتى.

هويدا: السم اللي اشتريته مفعوله ما بيشتغلش غير بعد ثلاث ايام, وفي اليوم اللي حطيت فيه السم كان خالد ووعد عندنا, وكانوا مشغولين في اخر تحضيرات الفرح و ساعه الغداء حطيت لخالد السم في الاكل بتاعه, ولكن للاسف خالد ماكلش وطول الوقت كان قاعد بياكل وعد بيده, خالد طبعا واقف مصدوم من اللي بيسمعه ما كانش عارف يعمل ايه غير انه يسجل الكلام.

وانه يبالغ البوليس عن اخته وبعد ما بلغ دخل عليها الاوضه, وقال لها ليه ليه تعملي فيا كده ليه تضيعي مني البني ادمه الوحيده اللي حبيتها وحبتني من قلبها, كل ده علشان الفلوس كنت خذي الميراث كنت خذي كل حاجه بس كنتي سيبني اعيش مع اللي باحبها, في امان ليه يا هويدا ده انا عمري ما تاخرت عنك في حاجه.

وكان كل حاجه نفسك فيها بجيبها لكي عارفه يا هويدا انت لو مش اختي انا كنت قتلتك دلوقتي بيدي, وجاه البوليس وقبض على هويدا و بعد الحكم على هويدا باسبوع خالد مات ما قدرش يعيش من غير وعد, ولكنهم هيتجمعوا اكيد في مكان احسن من الدنيا اللي مليانه غدر من اقرب الناس لينا اكيد هيتجمعوا في الجنه.
زائرنا الكريم : رجاءآ لاتنسى الاشتراك في مواقع التواصل تشجيعآ لنا لتقديم الافضل وحتى يصلك كل جديد
  
شكرا لك .. الى اللقاء 
*
*

ليست هناك تعليقات:

تعليقكم يهمنا

قصص اطفال هو موقع عربي لتقديم قصص عربية متنوعة من قصص اطفال و قصص الانبياء وقصص رعب وافضل انواع القصص الطويلة والقصيرة والمميزة للصغار والكبار.

جميع الحقوق محفوظة

قصص اطفال

2020