| -->
قصص اطفال قصص اطفال
جاري التحميل ...

قصص واقعية - ان غدر بي الجزء الاول

قصص واقعية - ان غدر بي الجزء الاول


قصص واقعية - ان غدر بي الجزء الاول - قصص يومية


وسط زغاريط كتيره ماليا البيت حد بيخبط علي باب اوضه وعد وبيطبل عليه, هبه: ممكن ادخل يا عروسه, وعد: والله انت بتستعبطي كل ده تاخير, هبه: تاخير اي بس يا بنتي ده الساعه عشره الصبح ده انتي كنتي عايزاني ابات في حضنك بقي, وعد: والله ده المفروض اللي كان يحصل اصلا ممكن تركزي معايا شويه بقى.


قصص واقعية


هبه: والله يا بنتي انا ما مصدقه ان خلاص بعد معاناه وحب خمس سنين هتتجوزي انت وخالد, وعد: انا كمان والله يا هبه ما مصدقه بس مش عارفه ليه قلبي مقبوض وخايفه وحاسه ان في حاجه هتحصل, صوت جاي من وراء وبيقول ده من الرهبه بتاع الفرحه يا عروسه واحلى عروسه في الدنيا, هبه: ايوه بقى واخيرا ايمان جات وهنخربها.

ايمان: فين الفستان انا هاموت واشوفه, وعد: يا لهوي الفستان انا نسيت اجيبه والميك اب ارتست زمانها جايه واهوت بتوع الاتيليه بيتصلوا, ايمان: ايه الحلاوه دي يا عروسه على العموم ولا يهمك يا قمر انا هاروح اجيبهولك دلوقتي, ونزلت ايمان بسرعه عشان تجيب الفستان, وعد: تعرفي يا هبه انا مش عارفه اوصف لك انا بحبك قد ايه تعرفي انتي لو كنتي اختي بجد عمري ما كنت هحبك كده.



هبه: وبكل ثقه وفخر يا بنتي انا اتحب اصلا, وعد: بتضحك وبتقول لها يا ستي عارفه بس تعرفي رغم اني اعرف ايمان من يوم ما عرفتك, لكن دائما بميل ليكي اكتر انت اللي بتبقى جنبي في كل حاجه في الوحشه قبل الحلوه, و من يوم ما بابا وماما انفصلوا وكل واحد فيهم شاف دنيته وقال يلا نفسي وكل واحد فيهم اتجوز, وكنت انا دائما اخر اهتماماتهم ماحدش وقف جنبي وساندني غيرك.

هبه: يا بنتي تعرفي مش تقولي الكلام ده تاني احنا اخوات مش صحاب انا بحس انك حته مني وانك مسؤوله مني, وقامت وعد وحضنت هبه جامد جدا وبعد مرور كام ساعه, جابت ايمان الفستان ووعد خلصت الميك اب, واخيرا خالد وصل مستني حد يقوله يطلع ياخذ وعد, ايمان: يلا يا وعد خالد جه تحت اخليه يطلع ياخذك ولا هتنزلي له.

وعد: لا استنى شويه انا بجد قلبي مقبوض جدا وخايفه وحاسه اني تعبانه, ايمان: يلا بقى يا وعد ما تعمليش فيها عروسه بقى, وبعدين ده قلق عادي من الفرحه وكده, هبه: يلا يا وعد قومي وسلمى امورك لربنا وما تخافيش كل حاجه هتبقى كويسه, متخوفيش نفسك على الفاضي بقى, وعد: طب خلاص خليه يطلع ياخذني مع اني مش متطمنه.

وطلع خالد وشاف وعد وكان مبهور بجمالها وقال لها ايه الحلاوه دي يا ست البنات, وردت وعد عليه وقالت له بضحك صبرت ونولت يعني وضحك كل اللي واقفين, وخدها خالد ونزل وسط زغاريط وفرحه بينه علي كل الناس, ولكن حصلت مفاجأه وكان القدر بيقول لوعد كل اللي انتي كنتي حاسه بيه كان صح.

وكانت المفاجأه وهم بيعدوا الطريق في عربيه جايه من بعيد وللاسف كانت هتخبط خالد, لكن وعد فائدته و زقته وخديت وعد الخبطه مكانه, وقعت وعد وماتت في نفس اللحظه وكل اللي واقفين بقوا في صمت صوت الزغاريط اتحول لسريخ, والضحك اتحول للدموع وحصره, وخالد نزل وشال وعد على دراعه.


قصه حدثت بالفعل


وقال لها ليه يوعد ليه استسلمتي بسرعه كده ليه رحتي وسبتيني جايه تسيبيني النهارده, يوم فرحنا ده يوم عمرنا اللي عشناه نحلم بيه سنين ليه كده يارب تاخدها, و تسيبني في العذاب ده طب كنت يارب خذني معاها وما توجعش قلبي عليها, والتفتو كلهم على صوت وقوع هبه على الارض مقدرتش تستحمل الصدمه وانها خسرت صاحبتها الوحيده وقعت من طولها.

والاسعاف جاءت شالتهم هم الاتنين وفي المستشفى الدكتور خرج من الاوضه اللي فيها وعد, وخالد جرا عليه ارجوك ارجوك يا دكتور قل لي انها مامتتش قل لي انها عايشه وما سبتنيش, الدكتور: انا عارف ان الموقف صعب عليك بس لازم تستحمل وتقؤوي عشان عندي ليك خبر, بس لازم اقوله لك على انفراد اتفضل معايا نتكلم.

في المكتب الدكتور استاذ خالد الخبر اللي انا هقوله لك دلوقت لازم تستحمله, للاسف الانسه وعد مامتتش من الحادثه الانسه وعد باين على وجهها علامات تسمم, خالد: ازاي تسمم ازاي يعني دي مكلتش حاجه طول اليوم, الدكتور: مش شرط ان التسمم يبان من اول يوم في انواع كتيره من السم بتبان بعد يوم او اثنين من اخذ الجرعه, تابع باقي القصة عبر الرابط التالي.

قصص واقعية - ان غدر بي الجزء الثاني
زائرنا الكريم : رجاءآ لاتنسى الاشتراك في مواقع التواصل تشجيعآ لنا لتقديم الافضل وحتى يصلك كل جديد
  
شكرا لك .. الى اللقاء 
*
*

ليست هناك تعليقات:

تعليقكم يهمنا

قصص اطفال هو موقع عربي لتقديم قصص عربية متنوعة من قصص اطفال و قصص الانبياء وقصص رعب وافضل انواع القصص الطويلة والقصيرة والمميزة للصغار والكبار.

جميع الحقوق محفوظة

قصص اطفال

2020