| -->
قصص اطفال قصص اطفال
جاري التحميل ...

قصص رومانسية حزينة - نصيبي وقسمتي الجزء الاول

قصص رومانسية حزينة - نصيبي وقسمتي الجزء الاول


قصص رومانسية حزينة - نصيبي وقسمتي الجزء الاول - قصص يومية


في العماره اللي قدامنا كان في شقه فاضيه وفي ناس اشتروها من كام يوم, والنهارده بيطلعوا عفشهم فيها وكانوا عاملين صوت دوشه جامده جدا, وانا كنت قاعده مع صاحبتي غاده بنذاكر فا دي اخر سنه لنا في الثانويه, واحنا بنذاكر ماما رنت عليا وقالت لي تعالى بسرعه علشان عايزاكي, لميت كتوبي في شنطتي بسرعه ونزلت.


روايات رومانسية


وانا نازله فجأه اتصدمت بشاب ووقعت شنطتي على الارض وانصدمت فيه تاني, واحنا الاتنين بنوطي عشان نجيب الشنطه و اول ما رفعت وشي و شوفته قلت يا لهوي ايه القمر ده هو في كده, قال لي اسف يا انسه خبطت فيكي غصب عني, قلتله انسه ايه بس انت تقول لي يا حبيبتي فضحك ومد ايده بالسلام, وقال لي انا هاني فضحكت و مديت ايدي بالسلامه.



وقلت له على فكره انا باحب الهزار جدا و انا اسمي قمر, قالي اسفين بقى عاملين لكي ازعاج في العماره, قلت له لا والله ابدا انتو نورتوا العماره بس على فكره انا مش ساكنه في العماره دي, انا ساكنه في العماره اللي قدامكم ولسه هيتكلم لقيت تليفوني بيرن تاني, وماما بتقول لي يا بنتي تعالي بسرعه يلا خالك هنا و عايز يشوفك.

وقفلت وقلت له انا لازم امشي دلوقتي, قال لي لازم اشوفك ثاني قلت له اكيد و روحت لماما, و لقيت خالي هناك و قعدنا سوا و لكن طول ما انا قاعده كان بالي مع هاني, والصدفه اللي شفتها بيه وكنت عايزه خالي يمشي باسرع وقت عشان اطلع البلكونه يمكن اشوف هاني تاني, وطول القاعده مع خالي كنت سرحانه وكاني في دنيا تانيه.

وفجأه لقيت خالي قام عشان هيمشي وبيقول لي مش عايزه حاجه يا بنت اختي سلم عليا, وقال لي انا عارف ان امتحانات قربت اتجدعني علشان تبقى اكبر دكتوره وما تقلقيش انا معكي من جنيه الى مليون, وقال لماما اوعى تشغلي بالك باي حاجه انا موجود جنبك دائما لو احتجتي حاجه ومشي خالي على كده.

وجريت انا على اوضتي علشان اقف في البلكونه يمكن اشوف هاني ولكن للاسف ما شفتوش, وتاني يوم اول لما صحيت رحت ازور غاده يمكن الصدفه تجمعنا انا وهاني مره ثانيه, ولكني برضو ما شفتوش وبقيت كل يوم اطلع البلكونه واروح لغاده علشان اشوفه لكن القدر ما كانش بيحب يجمعني بيه, ومر شهر على الوضع ده وجاءت ميعاد امتحاناتي.

والحمد لله امتحنت نجحت وطلعت بتقدير ممتاز جايبه 98 في المئه, وكانت فرحتي ما تتوصفش وقدمت في طب زي ما كنت بحلم, وفي يوم كنت خارجه مع غاده صاحبتي بنحتفل بالنجاح ورجعت للبيت لقيت خالي عندنا, وجايب هدايا كتيره جدا وقعد يباركلي وكان مبسوط اوي فخور بيا, وبعد ما خالي ماشي اتفاجئت بامي وهي داخله على اوضتي وقالت لي ان خالي كلمها علشان عايز يخطبني لابنه عصام.

ولقيت نفسي برفض وبقولها اني دائما شايفه عصام ابن خالي زي اخويا بالضبط, ماما حاولت معايا كثير علشان تقنعني ان اوافق ومزعلش خالي, لكني كنت دائما برفض مش عشان عصام زي اخويا ولكني حاسه اني هابقى لاحد تاني, خالي الحمد لله تفهم الموضوع وقال لماما اني اعتبر الموضوع كانه لم يكن مر شهرين على وجود هاني قدامنا.

ومع الرغم من كده ما شفتهوش غير مره واحده يوم الصدفه يوم ما اتقابلنا على السلم, ومع الرغم من انها مره واحده لكن بالي كان معلق معه هاني خطف قلبي من اول يوم شفته فيه, وفي يوم صحيت على صوت ماما وهي بتصحيني وبتقول لي قومي يا قمر جايلك عريس, قمت رديت عليها قلت لها يا ماما انت عارفه انا ما بفكرش في الموضوع ده دلوقتي.


روايات رومانسية حزينة


قالت لي مش تعرفي مين متقدملك الاول وبعدين ترفضي, قلت لها يا ماما ماشي هريحك بس خليكي عارفه ان انا كده كده مش موافقه, اتفاجئت بماما بتقول ليه انهم ناس جداد في المنطقه بقالهم شهرين ونصف بس, وقالت لي انهم ناس على قد حالهم لكن هو باين عليه انه شاب محترم واهله ناس طيبين, وعلى فكره هما هيجوا يزورونا بالليل ابقي شوفي يا ستي واحكمي عليه ولكي حريه الاختيار يا توافقي يا ترفضي.

من كلام ماما حسيت كده ببهجه خرجت من وشي وحسيت ان ممكن يكون هاني, فكلمت بسرعه غاده صاحبتي وقلت لها تجيلي تقعد معايه وطول اليوم كنت بضبط في نفسي, وأخيرا جه الميعاد ولقيت جرس الباب بيرن وماما راحت تفتح الباب, ولقيت ماما بتقول اتفضلوا اتفضلوا يجماعه منور يا حسام, انا في الاوضه و سمعت كلمه حسام اترعبت وقولت حسام حسام مين, ورحت لغاده كانت واقفه قدام المرايه قولتلها الحقيني دا مطلعش هاني, تابع باقي القصة عبر الرابط التالي.

قصص رومانسية حزينة - نصيبي وقسمتي الجزء الثاني
زائرنا الكريم : رجاءآ لاتنسى الاشتراك في مواقع التواصل تشجيعآ لنا لتقديم الافضل وحتى يصلك كل جديد
  
شكرا لك .. الى اللقاء 
*
*

ليست هناك تعليقات:

تعليقكم يهمنا

قصص اطفال هو موقع عربي لتقديم قصص عربية متنوعة من قصص اطفال و قصص الانبياء وقصص رعب وافضل انواع القصص الطويلة والقصيرة والمميزة للصغار والكبار.

جميع الحقوق محفوظة

قصص اطفال

2020